Rammeavtale veg-, fjell- og grunnarbeid

Kvam herad ønskjer å inngå rammeavtaler for innkjøp av tekniske handverkstenester innan fagområdet veg-, fjell- og grunnarbeid. Eit av føremåla med er å etablere rammeavtale er å sikre effektivitet i innkjøpsprosessane og kort responstid på bestilt arbeid. Det er krav om at tilbydar skal kunna stilla med tilbydd utstyr til akutte oppdrag som t.d. utbetring av vasslekkasje, flaum eller ras, og oppdragsgjevar forventar ei responstid  på maksimum 4 timar ved slike hendingar. Det er vidare eit mål at rammeavtalen skal sikre stabilitet og gje føreseielege rammar for Kvam herad og tilbydarane. Rammeavtalen er tenkt å skulle dekke hovuddelen av oppdragsgjevar sine kontinuerlege behov for dei tenester som er omhandla i denne konkurransen. Kvam herad skal ha ei rett, men inga plikt til å nytta rammeavtalen. Enkelte oppgåver vil til dømes kunne løysast gjennom eigenregi eller i samarbeid med andre kommunar, og for større/spesielle prosjekt kan oppdragsgjevar lyse ut eigen konkurranse.