Marknadsførespurnad RFI - reservasjonsløysingar for passasjertransport

Skyss skal lyse ut ny kontrakt for hurtigbåtruta mellom Bergen og Sunnhordland. Ruta har mange stopp og betener i dag både lokalreisande og turisme. Skyss ønskjer at den komande kontrakten i sterkare grad skal stimulere til bruk blant turistar, reiselivsnæringa og tilfeldige reisande. Det vert planlagt for ein kontraktsmodell der operatøren får eit insentiv knytt til auka billettinntekter, kombinert med ansvar for marknadsføring mot turist- og fritidsmarknaden i samarbeid med reiselivsnæringa. Denne marknadsførespurnaden har til føremål å innhente informasjon frå marknaden om tilgjengelege løysingar for plassreservasjon for passasjerar som vil reise med ruta, korleis desse løysingane fungerer, og kva erfaringar som finst frå tilsvarande bruksområde. Innspela frå denne førespurnaden vil bli brukt til å: • Kartleggje kva løysingar og teknologiar som finst i marknaden for plassreservasjon på kollektive sjøruter • Forstå kva som er realistisk å krevje av funksjonalitet, integrasjon og kommersielle vilkår • Utforme relevante og realistiske krav til plassreservasjon i det komande konkurransegrunnlaget for hurtigbåtruta Bergen–Sunnhordland